Vídeos del Concierto-Presentación de Un rato no tubo 1 PDF Imprimir Correo-e
Escrito por Administrator   
Venres, 18 Marzo 2011 23:41
There are no translations available.

Este es el vídeo de la primera obra que Marisol Mendive interpretó en el Concierto-Presentación de la Asociación de Amigos del Órgano "Un rato no tubo" en el órgano Walcker opus 1784 de Santa Eufemia del Centro en Ourense.

La obra es el Preludio de las Tres piezas para órgano opus 29 de Gabriel Pierné.

 
O concerto presentación. Algunhas imaxes PDF Imprimir Correo-e
Escrito por Administrator   
Xoves, 17 Febreiro 2011 16:22

Temos catro testemuñas gráficas do Concerto-presentación da Asociación "Un rato no tubo" que se desenvolveu o pasado xoves 10 de febreiro.

A Asociación de Amigos do Órgano de Ourense "Un rato no tubo" quere agradecer a todo o público asistente a súa participación no acto de presentación e o seu interese amosado durante o mesmo. Tamén agradece as manifestacións de apoio que recibiu de numerosas persoas por diferentes medios.

 

Aspecto xeral do público esperando o remate do acto relixioso, antes de comezar o concerto.

 

Momento no que a presidenta, Marisol Mendive, realiza a presentación da Asociación.

 

Vista do público no templo.

 

Momento do concerto de órgano.

Última actualización feita o Xoves, 17 Febreiro 2011 16:35
 
¿Por qué asociarse? PDF Imprimir Correo-e
Escrito por Administrator   
Venres, 04 Febreiro 2011 21:47

Asociarse a "Un rato no tubo" implica participar plenamente na consecución dos fins e obxectivos que a nosa asociación pretende conseguir.

As actividades nas que os socios/as poderán participar serán:

  • Conferencias nas que se proxectarán as partes do instrumento e o seu funcionamento.
  • Viaxes e roteiros culturais aos lugares onde se atopan os instrumentos para coñecelos “in situ” e visitar os enclaves artísticos (mosteiros, igresas, etc) nos que están situados. Non nos esqueceremos da gastronomía e folclore da zona.
  • Intercambios con outras asociacións nacionales e internacionais para coñecer outros instrumentos históricos de importancia cultural.
  • Visitas a talleres de Organería de España e Portugal para ver de primeira man a construción ou restauración dun órgano.
  • Concertos didácticos onde se expliquen a orixe das obras, os compositores e, a través de musicogramas sinxelos, a explicación da forma e como se desenvolve, así como a arte da rexistración empregada.
  • Ciclos de concertos de órgano nalgúns dos instrumentos más útiles da provincia con presencia de organistas nacionais e internacionais.
  • Concertos de órgano con outros instrumentos como: gaita, voz, trompeta, oboe, percusión...
  • Concertos didácticos para escolares nos que o alumnado interactúen co instrumento participando no concerto.
  • Crear un sitio web que facilite a comunicación e o intercambio de ideas, opinións e información entre os asociados e que sexa unha mostra da actividade da asociación.
  • Organización de cursos de iniciación e perfeccionamento de organistas.
Última actualización feita o Mércores, 09 Febreiro 2011 20:21
 
Asociación Cultural de Amigos do Órgano Un rato no tubo PDF Imprimir Correo-e
Escrito por Administrator   
Sábado, 22 Xaneiro 2011 15:55

A Asociación Cultural de Amigos do Órgano Un rato no tubo nace co propósito de converterse nun elemento dinamizador para a sensibilización da cidadanía en valores como a conservación, o coñecemento, a protección e a restauración do patrimonio organístico de Ourense.

Propoñémonos dar a coñecer o instrumento en si: o seu funcionamento, a súa evolución a través da historia; os principais compositores nacionais e internacionais, as formas musicais creadas para el, de onde veñen, como e con quen nacen. Coñecer os órganos da provincia, uns en activo e outros dos que só quedan restos, pero dentro do seu contexto artístico como un elemento patrimonial máis dentro do conxunto histórico e monumental.

Tamén pretendemos potenciar a interpretación e a audición da música de órgano, colaborar coa formación inicial e o perfeccionamento do organista e fomentar a creación de música contemporánea para órgano. A cooperación co profesorado de música, tanto de niveis obrigatorios como non obrigatorios, para conseguir unha formación musical o máis completa posible, é elemento salientable dentro dos obxectivos desta asociación.

No ano 2004, foi creada a especialidade de órgano no Conservatorio Profesional de Música de Ourense. Grazas ao labor realizado pola profesora Marisol Mendive durante estes anos, un grupo de alumnos e alumnas e persoas interesadas no órgano e a súa música tomamos, en outubre de 2010, a decisión de dar un paso máis e de constituírnos en asociación cultural que nos permitirá, coa colaboración de todos, compartir estes fins e avanzar na súa consecución.

Última actualización feita o Domingo, 30 Xaneiro 2011 11:00
 
<< Inicio < Anterior 11 12 13 14 15 16 17 Seguinte > Final >>

Páxina 17 de 17
Joomla templates by a4joomla