Inicio
De lugares e órganos - Santiago de Compostela 2019
- Detalles
- Escrito por Super User
- Categoría: Novas
- Visitas: 233
Desde o día 11 ata o 20 de abril celebrarase en Santiago de Compostela unha nova edición do ciclo de actividades "De lugares e órgano". Cos órganos da capital galega como protagonistas, o ciclo de actividades, ademais de concertos, inclúe proxeccións cinematográficas, exposicións, conversas e encontros con artistas e expertos e itinerarios guiados sobre o patrimonio.
Poden obter máis información aquí.
I Jornadas de Música Española para Órgano en el siglo XIX
- Detalles
- Escrito por Super User
- Categoría: Novas
- Visitas: 231
Os días 7, 8 e 9 de febreiro celebraranse en Valladolid as I Jornadas de Música Española para Órgano en el siglo XIX. O propósito das mesmas é mostrar as últimas investigacións musicolóxicas sobre a música do XIX en España para rachar co tópico de que a pouca música que se compuxo para órgano entre 1800 e 1900 carecía de orixinalidade e calidade.
Para máis información consultar a web das xornadas.
Ler máis: I Jornadas de Música Española para Órgano en el siglo XIX
Asemblea anual ordinaria
- Detalles
- Escrito por Super User
- Categoría: Novas
- Visitas: 240
A xunta directiva da Asociación Cultural de Amigos do Órgano “Un Rato No Tubo”, convoca a todos os seus asociados e asociadas, á Asemblea Anual Ordinaria, que terá lugar o día 30 de Xaneiro de 2019, ás 20.00 h. en primeira convocatoria, e ás 20.30 h. en segunda convocatoria, no Liceo de Ourense.
A orde do día é a seguinte:
- Memoria anual.
- Estado de contas.
- Próximas actividades
- Propostas dos socios. (Pregamos que se nos faga chegar calquera suxestión o proposta de actividades do seu interese se non puideran asisitir á asemblea).
- Rogos e preguntas.
Agardamos a asistencia e participación.
Delfín Caseiro e Joam Trillo, socios de honra
- Detalles
- Escrito por Super User
- Categoría: Novas
- Visitas: 408
O vindeiro xoves 22 de novembro, organizado pola Asociación Cultural amigos do Órgano “Un rato no tubo” (Ourense), terá lugar o nomeamento como socios de honra a D. Delfín Caseiro Nogueiras e D. Joam Trillo Pérez pola súa achega ao mundo da cultura e da música.
O acto celebrarase no Salón Nobre do Liceo de Ourense, C/ Lamas Carvajal 5 ás 20.00 h.
Esta actividade clausura as VIII Xornadas de Órgano Cidade de Ourense.
Desde o momento da súa creación, a Asociación Cultural de Amigos do órgano "Un rato no tubo ( Ourense), conta na súa relación como Socios de honra con:
Dona Montserrat Torrent, D. José Luis González Uriol, D. Tomás Camacho Muelas e D. Luís García-Mañá.
Entrada libre.
 |
|
| Delfín Caseiro Nogueira | Joam Trillo |
Páxina 4 de 10